Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । ताइवानमा फेरी शक्तिशाली भूकम्पले धक्का दिएको छ । गएराती ताइवानको पूर्वी तटीय क्षेत्रमा ६ दशमलव ३ रेक्टर स्केलको शक्तिशाली भुकम्पको धक्का मापन गरिएको थियो ।
यहाँ एक पछि अर्को भुकम्पको असंख्य धक्का महसुस गरिएको स्थानीय सञ्चारमाध्यमहरुले जानकारी दिएका छन् । रिपोर्ट अनुसार ८० भन्दा बढी भूकम्पको धक्का महसुस गरिएको उल्लेख गरिएको छ ।
भूकम्पको केन्द्रविन्दु पूर्वी काउन्टी हुआलियनमा जमिनबाट ५.५ किलोमिटर तल रहेको मौसम विभागले जनाएको छ । भूकम्पबाट हुआलीएनमा दुईवटा भवन भूकम्पबाट क्षतिग्रस्त भएको र एउटा भवन भत्किएको बताइएको छ । जापान, चीन र फिलिपिन्समा पनि हल्का भूकम्पको धक्का महसुस गरिएको थियो ।
यसअघि अप्रिल ३ मा ताइवानमा ७.५ म्याग्निच्युडको भूकम्प गएको थियो जसमा १४ जनाको मृत्यु भएको थियो । त्यसबेला हुआलियन सहरमा पनि भूकम्प गएको थियो । यसको केन्द्र पृथ्वीबाट ३४ किलोमिटर तल थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
