
Apr 06 2025 | २०८१, चैत २४ गते
काठमाडौं । वैदेशिक रोजगारीका लागि मलेसिया पठाइ दिनेभन्दै रकम ठगी गर्ने एकजनालाई प्रहरीले पक्राउ गरेको छ । पक्राउ पर्नेमा मोरङ सुन्दरहरैचा नगरपालिका-१ स्थायी घर भइ हाल काठमाडौंको बासबारीमा बस्ने ३८ वर्षीय हरीबहादुर मगर रहेको काठमाडौं उपत्यका अपराध अनुसन्धान कार्यालयका प्रवक्ता एवं सूचना अधिकारी उपरीक्षक रविन्द्र रेग्मीले जानकारी दिए ।
सृजना राईलाई वैदेशिक रोजगारीका लागि मलेसिया पठाइ दिने बहानामा आकर्षक तलब हुन्छ भनी विश्वास दिलाई प्रलोभनमा पारी पीडितबाट रकम ठगी गरेको उनीमाथि आरोप छ ।
पक्राउ परेका मगरलाई अनुसन्धान तथा कारबाहीका लागि वैदेशिक रोजगार विभाग ताहाचाल पठाइएको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij