Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौँ । स्वास्थ्य तथा जनसंख्या मन्त्रालय र नेपाल चिकित्सक संघबीच वार्ता जारी छ । आन्दोलनरत नेपाल चिकित्सक संघका प्रतिनिधिहरूसँग स्वास्थ्य तथा जनसंख्या मन्त्रालयको वार्ता टोलीले छलफल गरिरहेको छ ।
अतिरिक्त स्वास्थ्य सचिव डा. विकास देवकोटाको संयोजकत्वमा प्रधानमन्त्री तथा मन्त्रिपरिषदको कार्यालय,गृह मन्त्रालय, कानुन, न्याय तथा संसदीय मामिला मन्त्रालय र स्वास्थ्य तथा जनसंख्या मन्त्रालयका सहसचिव सो वार्ता टोलीमा रहेका छन् । हेटौंडाको सन्चो अस्पतालमा कार्यरत डा.विकास थापा र डा.प्रशान्त विडारीमाथि बिरामीका आफन्तले गत बुधबार कुटपिट गरेको भीडीयो सार्वजनिक भएको थियो । संघले दोषिलाई कारवाही गर्नुपर्ने माग राख्दै आन्दोलनको घोषणा गरेको थियो ।
संघले चिकित्सकमाथि भएको कुटपिटको विरोध गर्दै सरकारी अस्पताल,निजी अस्पताल, मेडिकल कलेज तथा क्लिनिकमा सेवा बन्द गरेको छ । डाक्टरमाथि कुटपिटमा संलग्नलाई फौजदारी अभियोग तथा ऐनबमोजिम कारबाहीको सुनिश्चितताको माग संघले राखेको छ । चिकित्सकको आन्दोलनका कारण उपचारका लागि स्वास्थ्य संस्था पुगेका बिरामी मर्कामा परेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
