Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । हेटौंडामा चिकित्सकमाथि कुटपिट भएकोप्रति आपत्ति जनाउँदै नेपाल चिकित्सक संघले आन्दोलनको चेतावनी दिएको छ । बिरामीको उपचारमा खटिएका चिकित्सकमाथि साङ्घातिक आक्रमण गरी गम्भीर घाइते बनाएको भन्दै संघले आपत्ति जनाएको छ ।
संघका महासचिव डा. सञ्जीव तिवारीले एक विज्ञप्ति जारी गर्दै घटनामा संलग्नमाथि कारबाही नभए आन्दोलनमा उत्रने चेतावनी दिएका हुन् ।
बुधबार दिउँसो हेटौंडाको सन्चो अस्पतालमा कार्यरत चिकित्सकद्वय डा. प्रशान्त बिडारी र डा. विकास थापामाथि एक समूहले कुटपिट गरेको थियो ।
अहिले कुटपिटको भिडियो सामाजिक सञ्जालमा भाइरल छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
