Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । बैंकको कर्मचारी हुँ भन्दै ओटीपी कोड मागेर ठगी गरेको आरोपमा एक जना पक्राउ परेका छन् । काठमाडौं उपत्यका अपराध अनुसन्धान कार्यालयले बैंकको कर्मचारी हुँ भन्दै ओटीपी कोड मागेर ठगी गरेको आरोपमा मोरङका २१ वर्षीय महमद मोजाहीद मियालाई पक्राउ गरेको हो ।
मियाले 9762225542, 9762512841 मोबाइल नम्बरबाट सम्पर्क गरी विभिन्न बैंकको आधिकारीक कर्मचारी हुँ भनी बैक खातासंग वालेट आईडी लिंक, खाता नविकरण, केवाईसी अपडेट, स्टेटमेन्ट भेरिफाई, सेक्योर ट्रान्सफर शुल्क नलाग्ने र राम्रो बोनस प्राप्त हुने जस्ता कार्य गरिदिने बहाना बनाउथे ।
त्यसपछि पिडितहरुकै बैक खाता लगायत ओटीपी कोड समेत मागी खातामा पहुँच पुर्याई अन्यत्र बैक खाता तथा वालेटहरुमा रकम रकमान्तर गर्ने गरेका थिए ।
उनले त्यसरी ११ लाख १२ हजार ८४९ रूपैयाँ ठगी गरेको प्रहरीको प्रारम्भिक अनुसन्धानमा देखिएको छ । मियालाई पक्राउ गरी ठगी सम्बन्धी कसूरमा आवश्यक अनुसन्धान एवं कारवाहीको लागी जिल्ला प्रहरी परिसर टेकु, काठमाण्डौंमा पठाईएको अपराध अनुसन्धान कार्यालयका प्रवक्ता रविन्द्र रेग्मीले जानकारी दिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
