Apr 24 2025 | २०८२, वैशाख ११ गते
Apr 24 2025 | २०८२, वैशाख ११ गते
काठमाडौँ । सरकारले सुनचाँदीको कारोबारमा २ प्रतिशत विलासिता कर नलगाउने भएको छ । १० लाख माथिको सुनचाँदीको कारोबारमा २ प्रतिशत विलासिता कर लगाउने बजेट वक्तव्यमा भनिएको थियो ।
सुनचाँदी व्यवसायीले उक्त घोषणाको चरणबद्ध रूपमा विरोध गर्दै आएका थिए । सिंहदरबारमा अर्थमन्त्री डा. प्रकाशशरण महतसँग भेटेर व्यवसायीले सो कर फिर्ता गर्न माग गरेका थिए ।
त्यस क्रममा अर्थमन्त्री डा. महतले सुनचाँदीको कारोबारमा विलासिता कर लगाउने मनसाय सरकारको नभएको बताए । हुनेखाने देखि हुँदा खानेसम्मले सुनका गरगहना प्रयोग गर्ने भएकोले यस्ता गरगहनामा थप विलासिता कर लगाउने सरकारको नीति नभएको प्रस्ट पारे ।
मन्त्री महतले भन्सार दर वृद्धि गर्नुपर्नाको कारण भने भारतीय र नेपाली बजारमा समान दर बनाउनका लागि भएको प्रस्ट पारे ।विदेशबाट आउने नेपालीहरूले ल्याउने गहनाको परिणाम वृद्धि गर्न र व्यवसायीलाई परेको अप्ठ्यारा विषयहरू सल्टाउन सरकार प्रतिबद्ध रहेको बताउँदै उनले शीघ्र व्यवसायीमा माग सम्बोधन गरिने बताए ।
उक्त भेटमा नेपाल सुनचाँदी व्यवसायी महासङ्घ, नेपाल सुनचाँदी रत्न तथा आभूषण महासङ्घ र नेपाल हस्तकला महासङ्घको संयुक्त टोलीको सहभागिता थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
