काठमाडौँ । कुमारी बैंकले वैशाख १५ गतेदेखि साविकको एनसीसीको बैंकको नाममा रहेको २९ लाख ६५ हजार ४२० कित्ता संस्थापक सेयर लिलामी बिक्री खुला गर्ने भएको छ ।
बैंककै संस्थापक सेयरधनीसहित अन्य व्यक्ति, कम्पनी तथा संघसंस्थाले यस लिलामी सेयरमा आवेदन दिन सक्नेछन् । यसमा न्यूनतम ११९ रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ ।
न्यूनतम १ हजार कित्तादेखि अधिकतम सबै कित्ताका लागि लगानीकर्ताले आवेदन दिन सक्नेछन् । यसका लागि जेठ २ गतेसम्म आवेदन दिन मिल्नेछ ।
आवेदन बिक्री प्रबन्धक सनराइज क्यापिटल, कमलपोखरी काठमाडौंमा पुग्ने गरी बुझाउनुपर्नेछ । जेठ ३ गते बिहान ११ बजे सनराइज क्यापिटल, कमलपोखरी काठमाडौंमा लिलामी सेयरको आवेदन खोलिनेछ ।