Apr 29 2025 | २०८२, वैशाख १६ गते
Apr 29 2025 | २०८२, वैशाख १६ गते
काठमाडौँ । नेपालका लागि नवनियुक्त चिनियाँ राजदूत चेन सङले नेकपा एकीकृत समाजवादीका अध्यक्ष माधवकुमार नेपालसँग शिष्टाचार भेट गरेका छन् ।
बुधबार कोटेश्वरस्थित अध्यक्ष नेपालको निजी निवासमा अध्यक्ष नेपाल र राजदूत चेन सङको भेटवार्ता भएको हो । अध्यक्ष नेपालको निजी सचिवालयका अनुसार अध्यक्ष नेपाल र राजदूत सङबीच नेपाल-चीन सम्बन्ध र द्विपक्षीय हितका विविध विषयमा कुराकानी भएको छ ।
सो भेटमा अध्यक्ष नेपालले चिनियाँ राजदूत सङलाई स्वागत गर्दै कार्यकाल सफलताको शुभकामना दिएका छन् । त्यस्तै सङले राजदुतका रुपमा नेपाल आउन पाउँदा खुसी लागेको र आफ्नो कार्यकालमा सबैको सहयोगको अपेक्षा गरेको अध्यक्ष नेपालको सचिवालयले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
