
Apr 04 2025 | २०८१, चैत २२ गते
काठमाडौँ । दक्षिण भारतीय (कन्नड) फिल्मका निर्देशक एसके भगवानको निधन भएको छ । सोमबार बिहान ८९ वर्षका भगवानको निधन भएको हो ।
उनको मृत्युको कारण उमेर सम्बन्धी रोग बताइएको छ । सामाजिक सञ्जाल मार्फत भारतका कर्नाटकका मुख्यमन्त्री बसवराज बोम्मईले मृत्युको खबरको पुष्टि गर्दै उनको निधन प्रति शोक समेत व्यक्त गरेका छन् । सन् १९५६ मा प्रभाकर शास्त्रीको भाग्योदय फिल्मबाट सहायक निर्देशकको रुपमा भगवानले फिल्मी करियर थालेका थिए ।
सन् १९६६ मा रिलिज भएको कन्नड फिल्म ‘सन्ध्य राग’ बाट उनी निर्देशक बने । कस्तुरी निवास, इरादु सोयम, बयालु दारी, गिरी कान्ये लगायत ५५ फिल्म उनले निर्देशन गरेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij