Apr 11 2025 | २०८१, चैत २९ गते
Apr 11 2025 | २०८१, चैत २९ गते
काठमाडौँ । झापाको बिर्तामोड-५ स्थित प्रसाईँ सुपर मार्केटमा आगलागी भएको छ । आगो करिब एक घण्टामा नियन्त्रणमा आएको जिल्ला प्रहरी कार्यालय झापाले जनाएको छ । सो आगलागीबाट राजकुमार बंशलको बंशल कपडा पसल पूर्ण रुपमा क्षति भएको छ । आगलागीबाट ठुलो क्षति हुन सक्ने डर हुँदा नेपाली सेनासमेत खटाइएको थियो ।
नेपाली सेना, प्रहरी, सशस्त्र प्रहरी, स्थानीयवासी, बिर्तामोड, मेचीनगर, कमल, कनकाई र भद्रपुरको दमकल समेतको प्रयासबाट आगलागी नियन्त्रणमा आएको इलाका प्रहरी कार्यालय बिर्तामोडका डिएसपीले जानकारी दिए । क्षतिको विवरण आउन बाँकी रहेको उनले बताए । विद्युत् सर्ट भएर सो आगलागी भएको आशङ्का गरिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
