Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौँ । चर्चित कवि भूपि शेरचनको ‘चिसो एस्ट्रे’ नामक कवितामा आधारित चलचित्र ‘चिसो एस्ट्रे’ आज (शुक्रबार) बाट प्रदर्शनमा आएको छ ।
दिन्स पाल्पालीको निर्देशनमा बनेको सो चलचित्र ‘चिसो एस्ट्रे’ कवि शेरचनको कवितामा जस्तै गाउँबाट शहर छिरेर परिवर्तन भोगेको युवकको कथालाई प्रस्तुत गरिएको निर्माण पक्षले जनाएको छ । चलचित्रमा दिव्य देव, सुशीलराज पाण्डे, सृष्टि श्रेष्ठ, निकुन श्रेष्ठलगायतका कलाकारहरुको अभिनय रहेको छ ।
यता, शुक्रबारबाटै नेपालमा अक्षय कुमारको चलचित्र ‘बच्चन पाण्डे’ पनि प्रदर्शनमा आएको छ । अक्षयसँग चलचित्रमा कृति सेनन, ज्याकलिन फर्नान्डेज र असरद वार्सी मुख्य भूमिकामा छन् । फरहाद साम्जीको निर्देशनमा बनेको चलचित्रलाई साजिद नाडिडावालाले निर्माण गरेका हुन् ।
हलमा नेपाली चलचित्रले भन्दा हिन्दीको नै बुकिङ्ग बढी हुने र नेपाली दर्शकले पनि नेपाली चलचित्रमा खासै चासो नदेखाइराख्ने अवस्थामा यस चलचित्रले भने कस्तो रेस्पोन्स पाउँछ अझै हेर्न बाँकी नै रहेको छ ।
यसअघि प्रदर्शन भएको चलचित्र ‘म यस्तो गीत गाउँछु–२’ले भने राम्रो व्यावार गर्न सफल भएको थियो । सुदर्शन थापाको निर्देशन रहेको सो चलचित्रमा पल शाह, पूजा शर्माको मुख्य भूमिका रहेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
