Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । इजरायलका प्रधानमन्त्री बेन्जामिन नेतान्याहुले गाजाका थप क्षेत्रमा नियन्त्रण कायम गर्न सेनालाई निर्देशन दिएको बताएका छन् ।
नेतन्याहुले सुरुआती चरणमा गाजाको करिब ७० प्रतिशत भूभाग आफ्नो नियन्त्रणमा लिने लक्ष्य राखिएको बताएको इजरायली मिडियाले उल्लेख गरेका छन् ।
यो कदम सन् २०२५ को अक्टोबरमा इजरायल र हमासबीच भएको युद्धविराम सम्झौताको शर्तविपरीत मानिएको छ ।
हाल गाजाका अधिकांश नागरिक समुद्री तट नजिकको अत्यन्त सानो क्षेत्रमा सीमित भएर बस्न बाध्य छन् ।
अनुमानअनुसार इजरायलले गाजा पट्टीको करिब ६४ प्रतिशत भूभागमा प्रभावकारी नियन्त्रण कायम गरिसकेको छ ।
सन् २०२३ मा दक्षिणी इजरायलमाथि हमासले गरेको आक्रमणपछि सुरु भएको इजरायलको सैन्य अभियान दुई वर्षदेखि जारी छ ।
यस अवधिमा गाजाको ठूलो हिस्सा पूर्ण रूपमा ध्वस्त भइसकेको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
