इजरायलका कयौँ सहरमा आगलागी

काठमाडौं । इरानले प्रहार गरेको मिसाइलपछि इजरायलका केही क्षेत्रमा आगलागी भएको खबर आएको छ।

इजरायली सेना रेडियोका अनुसार इरानबाट प्रक्षेपण गरिएका धेरैजसो मिसाइलहरू हवाई प्रतिरक्षा प्रणालीले अवरोध (इन्टरसेप्ट) गरेको थियो।

तर केही मिसाइलका टुक्रा खुला क्षेत्रमा खस्दा क्षति भएको बताइएको छ।

रिपोर्टअनुसार इन्टरसेप्टर मिसाइलका अवशेष मध्य इजरायलको शहर रामलामा खसेपछि आगलागी भएको थियो। उक्त घटनामा मानवीय क्षति वा घाइते भएको खबर भने आएको छैन।

यसबीच, पछिल्ला करिब १२ घण्टादेखि इजरायलका विभिन्न शहरमा मिसाइल आक्रमण जारी रहेको बताइएको छ।

दक्षिणी, मध्य तथा उत्तरी क्षेत्रमा लगातार आक्रमणको खबर आएको छ। उत्तरी सीमामा हेजबुल्लाहले पनि रकेट प्रहार गरिरहेको जनाइएको छ।

प्रारम्भिक खबरहरूमा लोड, बनेई ब्राक र रामला शहरमा मिसाइलका कारण क्षति र आगलागी भएको भनिए पनि पछि ती आगलागी प्रत्यक्ष मिसाइल आक्रमणसँग सम्बन्धित नभएको जानकारी दिइएको छ।

आगलागीका कारण घाइते भएका दुई जना ८० वर्षका वृद्धलाई अस्पताल भर्ना गरिएको छ। सबैभन्दा गम्भीर घटनामध्ये एक दक्षिणी शहर इलातमा भएको बताइएको छ, जहाँ क्लस्टर म्युनिशन खस्दा शहरका विभिन्न भागमा फैलिएको थियो।

कम्तीमा १० स्थानमा क्षति पुगेको र १२ वर्षका बालकसहित धेरै मानिस घाइते भएको जनाइएको छ।

इजरायलका कयौँ सहरमा आगलागी

इजरायलका कयौँ सहरमा आगलागी

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय