Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । इरानका सर्वोच्च नेता आयातुल्लाह अली खामेनीको मृत्युपछि पाकिस्तानको कराचीमा व्यापक विरोध प्रदर्शन भएको छ ।
अमेरिका र इजरायलद्वारा इरानमाथि गरिएको आक्रमणको विरोधमा प्रदर्शनमा उत्रिएका स्थानीय समूहले कराचीस्थित अमेरिकी वाणिज्य दूतावास बाहिर प्रदर्शन गरेका हुन् ।
प्रदर्शनका क्रममा आक्रोशित समूहले दूतावासको प्रवेशद्वारतर्फ अघि बढ्दै तोडफोड गरेको तथा केही स्थानमा आगजनी समेत भएको खबर आएको छ । घटनापछि क्षेत्रको सुरक्षा व्यवस्था कडा बनाइएको जनाइएको छ ।
स्थिति तनावपूर्ण बनेपछि सुरक्षा निकायले प्रदर्शन नियन्त्रणमा लिन थप सतर्कता अपनाएको स्थानीय सञ्चारमाध्यमहरूले जनाएका छन् ।
त्यस्तै इराकको राजधानी बगदादमा पनि तनाव बढेको बताइएको छ । सयौँ प्रदर्शनकारीले अमेरिकी दूतावास रहेको कडा सुरक्षा घेराभित्रको ग्रीन जोन क्षेत्रमा प्रवेश गरेको भिडियो सामाजिक सञ्जालमा भाइरल भएका छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
