Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौँ । एक दशकभन्दा बढी अवधिमा झण्डै दुई करोड अमेरिकी डलर घुस लिएको अभियोगमा चीनको एक अदालतले पूर्वन्यायमन्त्रीलाई सोमबार आजीवन कारावासको सजाय सुनाएको छ।
सन् २०२० देखि सन् २०२३ सम्म ६४ वर्षीय ताङ यिजुन चीनको न्यायमन्त्री रहेका थिए। उनले लियाओनिङ प्रान्तका गभर्नर र निङ्बो सहरका लागि चिनियाँ कम्युनिस्ट पार्टी (सीसीपी) का प्रमुखसहित विभिन्न पदहरू सम्हालेका थिए।
राष्ट्रपति सी जिनपिङले सन् २०१२ मा सत्तामा आएदेखि नै भ्रष्टाचारविरोधी अभियान चलाएका छन्, यद्यपि यसलाई आलोचकहरूले उनले सम्भावित राजनीतिक प्रतिद्वन्द्वीहरूलाई समाप्त गर्ने रणनीति अपनाएको आरोप लगाउने गरेका छन्।
भुक्तानीको बदलामा पूर्वअधिकारीले व्यक्ति र कम्पनीहरूलाई प्रारम्भिक सार्वजनिक बोलपत्र निष्कासन, बैंकको ऋण सुरक्षित गर्न, जग्गा अधिग्रहण गर्न र अन्य मामिलामा सहयोग गरेको अभियोग लागेको थियो।
ताङले कुल १३७ मिलियन युआन (१९.७ लाख डलर) प्राप्त गरेको थियो।
अदालतले भनेको छ, ‘यसले भ्रष्टाचार कम गर्ने परिस्थितिहरूलाई ध्यानमा राखेको छ। ताङले आफ्नो गिरफ्तारीपछि अभियोग स्वीकार गरेको, पश्चाताप व्यक्त गरेकोे, दोषी स्वीकार गरेको र अनुसन्धानमा सहयोग गर्नुभएको छ।’
अर्का पूर्वचिनियाँ न्यायमन्त्री फु झेङहुआलाई सन् २०२२ मा भ्रष्टाचारको अभियोगमा दोषी ठहर गरिएको थियो। उनले दुई वर्षको राहतको साथ मृत्युदण्डको सजाय पाएका थिए। तर पछि सजाय आजीवन कारावासमा परिवर्तन भएको थियो।
अधिकारीहरूले गत महिना चीनका सबैभन्दा शक्तिशाली जनरल झाङ युक्सियामाथि भ्रष्टाचार विरोधी अनुसन्धान सुरु गरिरहेका छन्। उनी हालैका दशकहरूमा पदबाट हटाइएको सबैभन्दा उच्च सैन्य व्यक्तित्व हुन्।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
