Jun 07 2026 | २०८३, जेठ २४ गते
Jun 07 2026 | २०८३, जेठ २४ गते
काठमाडौं । आइसिसी टी-२० महिला विश्वकप छनोटमा नेपालले नेदरल्याण्डविरूद्ध जितका लागि १४१ रनको लक्ष्य पाएको छ । त्रिवि मैदान कीर्तिपुरमा बिहीबार बिहान भएको खेलमा पहिले ब्याटिङ गरेको नेदरल्याण्ड्सले ५ ओभरको क्षतिमा १४० रन बनाएको हो ।
नेदरल्याण्ड्सका लागि कप्तान बबेत्ते दि लिडले सर्वाधिक ४९ रन बनाइन् । उनले ५७ बलमा ७ चौका प्रहार गरिन् ।
स्टेर्रे कालिसले ३४ बलमा २ चौका हानेर ३० रन बनाइन् । रोबिन रिज्केले १९ र हेथर सेइगर्सले १३ रन बनाइन् ।
बलिङतर्फ नेपालकी रूबिना क्षेत्रीले २ विकेट तथा सोमु विष्ट, पुजा महतो, रिया शर्माले एक विकेट लिइन् । नेपालले पहिलो खेलमा थाइल्याण्डसँग पराजित भएको थियो ।
विश्वकप छनोटमा १० देश सहभागी छन् ।
समूह एमा बंगलादेश, आयरल्यान्ड, पिएनजी, नामिबिया र अमेरिका छन् । 'बी' मा स्कटल्यान्ड, थाइल्यान्ड, जिम्बावे, नेदरल्यान्ड्स र नेपाल छन् ।
तीमध्ये शीर्ष चार देश इङल्याण्ड र वेल्समामा सन् २०२६ को जुनमा हुने महिला टी-२० विश्वकपमा छनोट हुनेछन् ।
समूहमा शीर्ष तीन-तीन टोली सुपर सिक्समा पुग्नेछन् । सुपर सिक्सबाट शीर्ष चार टोली विश्वकपमा पुग्नेछन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
