बंगलादेशकी पहिलो महिला प्रधानमन्त्री खालिदा जियाको निधन

काठमाडौं । बंगलादेशकी पूर्व प्रधानमन्त्री खालिदा जियाको निधन भएको छ ।

बंगलादेश नेशनलिस्ट पार्टीको मिडिया सेलले ८० वर्षको उमेरमा जियाको मंगलबार निधन भएको जनाएको छ ।

"बीएनपी अध्यक्ष तथा पूर्व प्रधानमन्त्री बेगम खालिदा जियाको आज बिहान ६ बजे फज्रको नमाजको केही समयपछि निधन भयो," बंगलादेश नेशनलिस्ट पार्टी (बीएनपी) ले सामाजिक सञ्जाल प्लेटफर्म एक्समा लेखेको छ ।

डिसेम्बर २५ मा जियाका छोरा तारिक रहमान १७ वर्षपछि लण्डनबाट ढाका फर्केका थिए ।

खालिदा जिया केही महिनादेखि बिरामी थिइन् र ढाकाको एभरकेयर अस्पतालमा उपचार गराइरहेकी थिइन् ।

जिया चार दशकभन्दा बढी समयदेखि बंगलादेशी राजनीतिमा संलग्न थिइन् । आफ्ना पतिको हत्यापछि खालिदा जियाले बीएनपीको नेतृत्व सम्हालिन् ।

सन् १९८१ मा हत्या हुँदा जियाउर रहमान बंगलादेशका राष्ट्रपति थिए । खालिदा जिया बंगलादेशमा बहुदलीय लोकतन्त्रको समर्थक रहिआएकी छिन् ।

जिया सन् १९९१ मा बंगलादेशको पहिलो महिला प्रधानमन्त्री बनिन् ।

सन् १९९१ मा भएको चुनावमा बीएनपीले जित्यो । उनी सन् २००१ मा फेरि सत्तामा फर्किइन् र सन् २००६ सम्म प्रधानमन्त्रीको रूपमा सेवा गरिन् ।

बंगलादेशमा पछिल्ला तीन चुनावहरू बीएनपीले बहिष्कार गरेको छ । खालिदा जियाले शेख हसिना विरुद्धको सन् २०२४ को आन्दोलनलाई समर्थन गरेकी थिइन् ।

बीएनपी हाल बंगलादेशको सबैभन्दा ठूलो दल हो र अर्को वर्ष हुने चुनावमा यो सत्तामा आउन सक्ने बताइएको छ ।

शेख हसिना प्रधानमन्त्री हुँदा खालिदा जिया जेलमा थिइन् । उनका छोरा तारिक रहमानलाई पनि धेरै मुद्दामा दोषी ठहराइएको थियो तर मुहम्मद युनुसको अन्तरिम सरकारले खालिदा र उनका छोरालाई निर्दोष मुक्त गर्‍यो ।

बंगलादेशकी पहिलो महिला प्रधानमन्त्री खालिदा जियाको निधन

बंगलादेशकी पहिलो महिला प्रधानमन्त्री खालिदा जियाको निधन

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय