Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौं । रुसको करेलिया गणराज्यस्थित प्रियोनेझ्स्की जिल्लामा प्रशिक्षण उडानका क्रममा सु–३० लडाकु विमान दुर्घटना हुँदा दुई पाइलटको मृत्यु भएको छ ।
क्षेत्रीय प्रमुख आर्टुर परफेन्चिकोभका अनुसार गोला बारुद बिना नियमित तालिम उडान गरिरहेको क्रममा विमान जंगल क्षेत्रमा खसेर दुर्घटनाग्रस्त भएको हो ।
टास समाचार एजेन्सीले उद्धृत गरेको रूसी रक्षा मन्त्रालयको भनाइअनुसार विमान आवासीय बस्तीबाट टाढा खसेपछि थप क्षति हुनबाट जोगिएको छ । दुर्घटनामा मृत्यु भएका १५९औँ उड्डयन लडाकु रेजिमेन्टका पाइलटका परिवारप्रति समवेदना व्यक्त गर्दै परफेन्चिकोभले आवश्यक सबै सहयोग उपलब्ध गराइने बताए ।
दुर्घटना भएपछि आपत्कालीन सेवाका टोलीहरू तुरुन्तै घटनास्थलमा पुगेका छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
