Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौँ । अमेरिकाले गाजामा हमासले नागरिकहरूलाई आक्रमण गर्ने योजना बनाइरहेको चेतावनी दिएको छ ।
अमेरिकी विदेश मन्त्रालयले हमासले गाजामा आक्रमणको तयारी गरेको चेतावनी दिदै यस्तो कुनै पनि कदम युद्धविराम सम्झौताको गम्भीर उल्लङ्घन हुनेछ र मध्यस्थताबाट प्राप्त प्रगतिलाई कमजोर पार्ने बताएको छ । यद्यपि, अमेरिकी अधिकारीहरूले यी रिपोर्टहरूको स्रोत वा तिनीहरूसँग सम्बन्धित कुनै पनि अतिरिक्त जानकारी साझा गरेका छैनन् ।
अमेरिकाले गाजा शान्ति सम्झौताका अन्य ग्यारेन्टरहरू, अर्थात् इजिप्ट, कतार र टर्कीलाई यस विषयमा पहिले नै जानकारी गराइसकेको र हमासले युद्धविरामका सर्तहरू पालना गर्न माग गरेको छ । विदेश मन्त्रालयको विज्ञप्तिमा भनिएको छ- 'यदि हमासले यो आक्रमण गर्छ भने, गाजाका जनताको सुरक्षा सुनिश्चित गर्न र युद्धविराम कायम राख्न कदम चालिनेछ ।'
अमेरिकाको यस दाबीमा हमासले अहिलेसम्म कुनै टिप्पणी गरेको छैन । हाल, इजरायल र हमास बीच युद्धविरामको पहिलो चरण लागू भएको छ । जीवित बन्धकहरूलाई हमासले रिहा गरेको छ, जबकि मृतकहरूको शव इजरायललाई हस्तान्तरण गर्ने प्रक्रिया चलिरहेको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
