Sep 01 2025 | २०८२, भदौ १६ गते
Sep 01 2025 | २०८२, भदौ १६ गते
काठमाडौँ । चीनको तियानजिनमा आयोजित सांघाई सहयोग संगठन (एससिओ) सम्मेलनमा भाग लिए पछि भारतीय प्रधानमन्त्री नरेन्द्र मोदीले रुसी राष्ट्रपति भ्लादिमिर पुटिनसँग द्विपक्षीय भेटवार्ता गरेका छन् ।
प्रधानमन्त्री मोदीले पुटिनसँगको भेटवार्ता बारे जानकारी दिदै व्यापार, मल, अन्तरिक्ष, सुरक्षा र संस्कृति लगायत सबै क्षेत्रमा द्विपक्षीय सहयोगलाई अझ सुदृढ पार्ने तरिकाहरू बारे छलफल भएको बताएका छन् ।
 (1).gif)
मोदीले पुटिनसँग युक्रेन युद्धको मुद्दामा पनि छलफल गरेको बताएका छन् । उनले भने- 'हामीले युक्रेन द्वन्द्वको शान्तिपूर्ण समाधानमा वार्ता सहित क्षेत्रीय र विश्वव्यापी मुद्दाहरूमा पनि विचार साझा गर्यौं ।'
मोदीले भारत र रुस बीचको सम्बन्धको बारेमा विशेष र विशेषाधिकार प्राप्त रणनीतिक साझेदारी क्षेत्रीय र विश्वव्यापी स्थिरताको एक महत्त्वपूर्ण स्तम्भ बनेको उल्लेख गरेका छन् ।
एससीओ सम्मेलनमा भाग लिएपछि, प्रधानमन्त्री मोदी र राष्ट्रपति पुटिन एउटै कारमा द्विपक्षीय बैठकको लागि प्रस्थान गरेका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
