Aug 31 2025 | २०८२, भदौ १५ गते
Aug 31 2025 | २०८२, भदौ १५ गते
काठमाडौँ । चीन भ्रमणमा रहेका भारतीय प्रधानमन्त्री मोदी र चिनियाँ राष्ट्रपति सी जीङपीङबीच भेटवार्ता भएको छ । शाङ्घाई सहयोग संगठन (एससिओ) को शिखर सम्मेलन अघि चीनको तियानजिनमा मोदी र जीङपीङबीच भेटवार्ता भएको हो ।
भेटवार्तामा मोदीले गत वर्ष कजानमा धेरै फलदायी छलफल भएको उल्लेख गर्दै सो छलफलले भारत–चीन सम्बन्धलाई सकारात्मक दिशा दिएको बताएका थिए ।
 (1).gif)
साथै मोदीले सीमा विवादपछि अहिले दुवै देशबीच शान्तिपूर्ण वातावरण बनेको र द्विपक्षीय छलफल सकारात्मक रुपमा अघि बढिरहेको बताएका थिए ।
२०२० मा गलवान उपत्यकामा भारत–चीन सैन्य झडप पछि यो मोदीको पहिलो चीन भ्रमण हो । अर्कोतर्फ अमेरिकाले कर लगाएपछि सम्बन्ध चिसिएको समयमा मोदीको चीन भ्रमणले विश्वको ध्यान केन्द्रित गरेको छ ।
मोदीले यसअघि २०१८ मा चीनको भ्रमण गरेका थिए । यो उनको चीनको छैटौं भ्रमण हो । गत महिना विदेशमन्त्री एस. जयशंकरले चीनको भ्रमण गरेका थिए, जहाँ उनले राष्ट्रपति सी जिनपिङ र विदेशमन्त्री वाङ यीलाई भेटेका थिए ।
जयशंकरले जलस्रोत तथ्याङ्क साझा गर्ने, व्यापार प्रतिबन्ध, एलएसीमा तनाव कम गर्ने र आतंकवाद र अतिवाद विरुद्ध कडा अडान लिने जस्ता मुद्दाहरूमा छलफल गरेका थिए ।
मिडिया रिपोर्टका अनुसार, यो बैठकले मोदीको चीन भ्रमणको लागि रोडम्याप तयार पारेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
