Aug 29 2025 | २०८२, भदौ १३ गते
Aug 29 2025 | २०८२, भदौ १३ गते
काठमाडौं । सरकारले विशेष अदालतको अध्यक्षमा उच्च अदालतका न्यायाधीश सुदर्शनदेव भट्टलाई नियुक्त गरेको छ । आज बसेको मन्त्रिपरिषद् बैठकले न्याय परिषद्को सिफारिसका आधारमा भट्टलाई अध्यक्ष नियुक्त गरेको हो ।
न्यायपरिषद्ले विशेष अदालतको अध्यक्षसहित चार जना नयाँ सदस्यहरूको नाम सिफारिस गरेको थियो । जसअनुसार, जुम्ला इजलासका न्यायाधीश डिल्लीरत्न श्रेष्ठ, उच्च अदालत वीरगञ्ज इजलासका न्यायाधीश नारायणप्रसाद पौडेल, उच्च अदालत सुर्खेतका न्यायाधीश हेमन्त रावल र वीरगञ्ज इजलासका न्यायाधीश उमेश कोइराला सदस्य नियुक्त भएका छन् ।
 (1).gif)
विशेष अदालतका अध्यक्ष र सदस्यहरू न्यायपरिषद्को परामर्शमा सरकारले तोक्ने कानुनी व्यवस्था छ । हाल विशेष अदालतका अध्यक्ष रहेका टेकनारायण कुँवरलाई भने उच्च अदालत जनकपुरको न्यायाधीशमा सरुवा गरिएको छ । यस्तै, विशेष अदालतका सदस्य तेजनारायण सिंह राई उच्च अदालत पोखरामा, रामबहादुर थापा उच्च अदालत जनकपुरको राजविराज इजलासमा, मुरारीबाबु श्रेष्ठ उच्च अदालत जनकपुरमा, रितेन्द्र थापा उच्च अदालतको वीरगञ्ज इजलासमा सरुवा भएका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
