Aug 20 2025 | २०८२, भदौ ४ गते
Aug 20 2025 | २०८२, भदौ ४ गते
काठमाडौँ । अमेरिकाले उत्तर कोरियालाई हतियार र सैन्य उपकरणहरू आपूर्ति गरेको आरोपमा एक चिनियाँ नागरिकलाई आठ वर्षको जेल सजाय सुनाएको जानकारी दिएको छ ।
अमेरिको न्याय विभागका अनुसार, ४२ वर्षीय शेङ्घुआ वेनले उत्तर कोरियाली अधिकारीहरूबाट लगभग २० लाख डलर प्राप्त गरेका थिए ताकि उनले क्यालिफोर्नियाबाट हतियार र सैन्य उपकरणहरू पठाउन सकून् । क्यालिफोर्नियाको ओन्टारियोमा बस्ने वेनलाई डिसेम्बर २०२४ मा पक्राउ गरिएको थियो । जुन २०२५ मा, उनले कानून तोड्ने र विदेशी सरकारको अवैध एजेन्ट बन्ने षड्यन्त्र गरेकोमा दोष स्वीकार गरेको रिपोर्टमा उल्लेख छ ।
 (1).gif)
न्याय विभागले वेन २०१२ मा विद्यार्थी भिसामा अमेरिका आएका थिए, तर २०१३ मा भिसाको म्याद सकिएपछि पनि त्यहाँ बसे। विभागका अनुसार, अमेरिका आउनुअघि, वेनले चीनस्थित उत्तर कोरियाली दूतावासका अधिकारीहरूलाई भेटेका थिए। यी अधिकारीहरूले उनलाई उत्तर कोरियाको लागि सामानहरू किन्न निर्देशन दिएका थिए ।
विभागले २०२२ मा, दुई उत्तर कोरियाली अधिकारीहरूले वेनलाई अनलाइन सन्देश प्लेटफर्म मार्फत सम्पर्क गरेको र उनलाई अमेरिकाबाट उत्तर कोरियामा हतियार र अन्य सैन्य उपकरणहरू तस्करी गर्न निर्देशन दिएको बताएको छ ।
संयुक्त राष्ट्र सुरक्षा परिषद्को प्रतिबन्ध अन्तर्गत, हतियार र सैन्य उपकरणहरू उत्तर कोरियालाई दिन वा पठाउन अनुमति छैन । उत्तर कोरियाको आणविक र ब्यालिस्टिक क्षेप्यास्त्र गतिविधिहरूलाई ध्यानमा राख्दै अमेरिकाले उत्तर कोरियामाथि छुट्टाछुट्टै प्रतिबन्धहरू पनि लगाएको छ । तर उत्तर कोरियाले यी प्रतिबन्धहरूबाट बच्न विभिन्न तरिकाहरू तयार पारेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
