Aug 10 2025 | २०८२, साउन २५ गते
Aug 10 2025 | २०८२, साउन २५ गते
काठमाडौं । अमेरिकी उपराष्ट्रपति जेडी भान्स र बेलायती विदेशमन्त्री डेभिड ल्यामीले युक्रेन युद्धको बारेमा छलफल गर्न सुरक्षा अधिकारीहरूसँग बैठक गरेका छन् । लन्डन नजिकैको केन्टमा रहेको ल्यामीको आधिकारिक निवासमा शनिबार भेटघाट भएको थियो ।
यसमा युक्रेनको राष्ट्रिय सुरक्षा तथा रक्षा परिषद्का सचिव रुस्तम उमरोभ, जेलेन्स्कीको कार्यालयका प्रमुख एन्ड्री येर्माक र बेलायत, संयुक्त राज्य अमेरिका, युरोपेली संघ, फ्रान्स, जर्मनी, इटाली, फिनल्याण्ड र नेटोका अधिकारीहरू उपस्थित थिए ।
 (1).gif)
यो बैठक अमेरिकाको पहलमा बोलाइएको बताइएको छ । यस अवसरमा युरोपका युक्रेनी अधिकारीहरू र राष्ट्रिय सुरक्षा सल्लाहकारहरू पनि उपस्थित थिए ।
ल्यामीले भने: “युक्रेनलाई बेलायतको पूर्ण समर्थन छ र हामी न्यायपूर्ण र दिगो शान्तिको लागि काम गरिरहनेछौं ।”
युक्रेनी राष्ट्रपति भोलोडिमिर जेलेन्स्कीले रुसलाई कुनै पनि क्षेत्रीय रियायत नदिने स्पष्ट पारेका बेला यो बयान आएको हो ।
अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिनबीच अर्को हप्ता अलास्कामा हुने शिखर सम्मेलनअघि जेलेन्स्कीले यो कुरा बताएका हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
