Jul 26 2025 | २०८२, साउन १० गते
Jul 26 2025 | २०८२, साउन १० गते
काठमाडौं । काठमाडौं महानगरपालिकाले सार्वजनिक स्थलमा धुम्रपान गर्ने व्यक्तिलाई प्रत्येकपटक ५ सय रुपैयाँ जरिवाना गर्ने भएको छ । चालु आर्थिक वर्ष २०८२/८३ का लागि हालै सम्पन्न नगरसभाबाट पारित आर्थिक ऐनमार्फत यस्तो व्यवस्था गरिएको हो ।
नगर प्रहरी प्रमुख राजुनाथ पाण्डेका अनुसार सार्वजनिक स्थानमा अत्यधिक धुम्रपान र जनगुनासो बढेपछि कडाइ गर्न आर्थिक ऐनमा नयाँ जरिवाना व्यवस्था गरिएको हो ।
 (1).gif)
पार्किङमा पनि कडाइ
पार्किङसम्बन्धी उल्लंघनमा पनि कडा जरिवाना तोकिएको छ ।
मोटरसाइकल/स्कूटर: १ हजार रुपैयाँ
चारपाङ्ग्रे (कार, जीप, डेलिभरी भ्यान): २ हजार ५ सय रुपैयाँ
मिनीबस/मिनीट्रक: ३ हजार ५ सय रुपैयाँ
ठूला सवारी (बस, ट्रक): ५ हजार रुपैयाँ
विज्ञापन र फोहोरका लागि भारी जरिवाना
प्रचलित कानुनले निषेध गरेको विज्ञापन गरेमा १० हजार रुपैयाँ
विना अनुमति होडिङ बोर्ड विज्ञापन गरेमा १० हजारदेखि १ लाख रुपैयाँ
पर्चा, पम्प्लेट, पोष्टर, स्टिकर टाँस्दा वा फोहोर गरेमा ५ हजारदेखि ५० हजार रुपैयाँ
खम्बा, पर्खालमा पेन्टिङ लेखन गर्दा ५ हजारदेखि ५० हजार रुपैयाँ
स्वागतद्वार वा गेट निर्माण गरेमा ५ हजारदेखि ५० हजार रुपैयाँ
रुखविरुवामा क्षति पुर्याएमा ५ सयदेखि ५० हजार रुपैयाँसम्म जरिवाना
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
