Jun 05 2025 | २०८२, जेठ २२ गते
Jun 05 2025 | २०८२, जेठ २२ गते
काठमाडौं । गभर्नर विश्वनाथ पौडेलको नियुक्तिविरुद्ध सर्वोच्च अदालतमा परेको रिट हेर्न नभ्याइनेमा परेको छ ।
मंगलबार उक्त रिट सुनुवाइका लागि प्रधानन्यायाधीश प्रकाशमान सिंह राउत र टेकप्रसाद ढुङ्गानाको इजलासमा परेको थियो ।
 (1).gif)
पौडेलको नियुक्तिविरुद्ध अधिवक्ताहरू विशाल थापा, प्रतिभा उप्रेती र अनन्तराज लुइँटेलले रिट दर्ता गराएका थिए । सो रिटमाथि १४ जेठमा सर्वोच्चले कारण देखाऊ आदेश दिइसकेको छ । न्यायाधीश अब्दुलअजीज मुसलमानको इजलासले पौडेलविरुद्धको रिटमा कारण देखाऊ आदेश गरेका थिए ।
गभर्नर पौडेलसँग नेपाल राष्ट्र बैङ्क ऐनले तोकेको विज्ञता नभएको दाबी रिटमा गरिएको छ । यसअघि उनीहरू पौडेल गभर्नर नियुक्त नहुँदै नियुक्ति रोक्न माग गर्दै रिट लिएर सर्वोच्च पुगेका थिए । प्रशासनले उक्त रिट दरपिठ गरिदिएकोमा इजलासले पनि उक्त दरपिठ सदर गरेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
