नेपाल टेलिकमको प्रबन्ध निर्देशकका लागि तीन जनाको नाम सिफारिस

काठमाडौं । सरकारले नेपाल टेलिकमको प्रबन्ध निर्देशकमा संगीता पहाडीलाई नियुक्ति दिने तयारी गरेको छ । आज बस्ने मन्त्रिपरिषद् बैठकले सम्भवतः पहाडीलाई टेलिकमको प्रबन्ध निर्देशक नियुक्त गर्नेछ ।

तत्कालीन प्रधानमन्त्री पुष्पकमल दाहाल प्रचण्डकै पालामा गठित सिफारिस समितिले सार्वजनिकरुपमा आवेदन मागेर लिखित तथा मौखिक प्रस्तुतिका आधारमा तीन जनाको नाम सिफारिस गरेको थियो ।

तत्कालीन सञ्चार सचिव रामकृष्ण सुवेदीको संयोजकत्वमा गठित समितिले संगीता पहाडी, अनिल झा र शालिग्राम आचार्यको नाम सिफारिस गरेकोमा नयाँ मन्त्री पृथ्वी सुब्बा गुरुङले सोही प्रस्ताव मन्त्रिपरिषदमा लगेका छन् ।

पहिलेको सिफारिस फेरबदल गर्दा वा समिति नै भंग गरेर नयाँ बनाएर विवाद निम्त्याउने पक्षमा सरकार नरहेको बताइएको छ । टेलिकमका कर्मचारी युनियनहरूले दबाब दिए पनि सरकार अनावश्यक विवादमा मुछिने पक्षमा छैन ।

टेलिकमका तत्कालीन प्रबन्ध निर्देशक सुनिल पौडेलमाथि भ्रष्टाचार र अकुत सम्पत्तिको मुद्दा लागेर निलम्बन भएपछि पहाडी कार्यवाहक थिइन् ।

महिलालाई नै प्रबन्ध निर्देशक बनाउँदा राम्रो सन्देश जाने र उनी टेलिकमकै कर्मचारी भएका कारण पनि पहाडीको नियुक्ति हुन लागेको बताइएको छ ।

पहाडीले टेलिकमको व्यवस्थापनमा राम्रो काम गरेको र विवादमा नपरेका कारण पनि उनलाई नै प्रबन्ध निर्देशक बनाउने तयारी रहेको मन्त्रालय स्रोतले जनाएको छ ।

नेपाल टेलिकमको प्रबन्ध निर्देशकका लागि तीन जनाको नाम सिफारिस

नेपाल टेलिकमको प्रबन्ध निर्देशकका लागि तीन जनाको नाम सिफारिस

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय