Apr 04 2025 | २०८१, चैत २२ गते
Apr 04 2025 | २०८१, चैत २२ गते
नेपालमा आर्किटेक्चरमा स्नातक गरेकी श्रृङ्खला खतिवडाले हावर्डबाट अध्ययनको लागि स्वीकृति पाएसँगै सामाजिक सञ्जाल मार्फत खुसी समेत साटेकी थिइन् ।
ललितपुर । पूर्व 'मिस नेपाल' श्रृङ्खला खतिवडा अमेरिका उडेकी छिन् । हावर्ड विश्वविद्यालयमा अर्बन प्लानिङ अर्थात सहरी विकास विषयमा स्नातकोत्तर अध्ययन गर्न उनी सोमबार साँझ त्यसतर्फ प्रस्थान गरेकी हुन् । उनलाई अमेरिकाको लागि बिदाई गर्न त्रिभुवन विमानस्थलमा प्रेमी सिसन बाँनिया, परिवारका केही र साथीहरु समेत पुगेका थिए ।
नेपालमा आर्किटेक्चरमा स्नातक गरेकी उनले हावर्डबाट अध्ययनको लागि स्वीकृति पाएसँगै सामाजिक सञ्जाल मार्फत खुसी समेत साटेकी थिइन् । खुसी साट्दै उनले यो आफ्ना लागि अहिलेसम्मकै ठुलो खुसीको कुरा भएको बताएकी थिइन् ।
खतिवडा सन् २०१८ की मिस नेपाल विजेता हुन् । मिस नेपाल विजेता बनेपछि चर्चामा आएकी उनले मिस वर्ल्डमा समेत नेपालको प्रतिनिधित्व गरेकी थिइन् । हेटौडामा जन्मेकी श्रृङ्खला एमाले सांसद विरोध खतिवडाकी छोरी हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
