Apr 04 2025 | २०८१, चैत २२ गते
Apr 04 2025 | २०८१, चैत २२ गते
ललितपुर । महानगरीय अपराध महाशाखा, औषधी व्यवस्था विभाग र ललितपुर प्रहरीले स्यानिटाइजर कम्पनी सिल गरेको छ । इमाडोल सितलहाइटमा रहेको पर्सा नेपाल इन्डस्ट्रिज प्रा.लिलाई छापा मारेर सिल गरेको हो ।
सो उद्योगले उत्पादन गरिरहेको प्लस ७५ स्यानीटाइजर गुणस्तरहिन र स्वास्थ्यलाई हानिकारक रहेको पाइएपछि यस्तो कदम चालिएको ललितपुर प्रहरी परिसरकी प्रमुख तथा एसएसपी किरण बज्राचार्यले बताइन् । यो अप्रेसनमा स्यानिटाइजर बनाउने कम्पनीबाट करिब ४० हजार लिटर स्यानिटाइजर बरामद गरेको छ ।
‘मिथानोल अल्कोहल रहेको’ रिपोर्ट आएपछि छापा मारिएको अपराध महाशाखा प्रमुख एसएसपी चन्द्रकुबेर खापुङले बताए । उनका अनुसार कम्पनीका सञ्चालक आशिष प्याकुरेललाई नियन्त्रणमा लिइएको छ । यो अप्रेसनमा महाशाखाका प्रमुख एसएसपी खापुङ, प्रहरी उपरीक्षक कोइराला, प्रहरी उपरीक्षक कृष्ण पंगेनी, मुद्दा शाखाका प्रमुख प्रहरी नायब उपरीक्षक दुर्गाराज रेग्मीलगायत सहभागी थिए ।
यस्तै, बालाजु औद्योगिक क्षेत्रभित्र संचालित स्यानीटाइजर उद्योगमा प्रहरीले छापा मारेको छ् । महानगरीय प्रहरी परिसर काठमाडौंको टोलीले छापा मारेर ठूलो परिमाणमा स्यानीटाइजर बरामद गरेको छ । महानगरीय प्रहरी परिसर प्रमुख एसएसपी अशोक सिंहका अनुसार उत्सव डेट्रेरेजेन्ट एण्ड कस्मेटिकबाट गुणस्तरहिन स्यानीटाइजर र गोदामसमेत नियन्त्रणमा लिईएको जानकारी दिए ।
उपभोक्ताहरुको जीवनसँग खेलवाड गरेका उद्योगका संञ्चालक राकेश अग्रवाललाई नियन्त्रण लिइएको महानगरीय प्रहरी परिसर टेकुका एसपी रमेश बस्नेतले बताए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
