Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौँ । नेपाली महिला क्रिकेट टिमले मलेसियालाई दुई विकेटले हराएको छ । एसियाली महिला छनोटको तयारीस्वरुप भएको पहिलो टी–२० खेलमा मलेसियाको बायुमास मैदानमा नेपाल विजयी भएको हो ।
ओभलमा टस जितेर पहिले ब्याटिङ गरेको मलेसिया १७ ओभर ५ बलमा ६७ रन बनाउँदा अलआउट भएको थियो। जवाफी ब्याटिङ गरेको नेपालका लागि सम्झना खड्काले उत्कृष्ट ब्याटिङ गरिन् । उनले ३९ बलको सामना गर्दै ३२ रन बनाउँदै नेपालको जित सुनिस्चित गरेकी हुन् । रुबी पोदारले २२ बलको सामना गरेर १५ रन जोडिन् । ६८ रनको लक्ष्य नेपालले १७ ओभर तीन बलमा आठ विकेटको क्षतिमा ७१ रन बनाउँदै पूरा गरेको हो ।
यसअघि सुरुमा बलिङ गरेको नेपालका लागि पूजा महतोले चावर ओभर बलिङ गर्दा मात्र १३ रन खर्चेर ३ विकेट लिइन् भने मनिषा उपाध्यायले चार ओभरमा १७ रन दिएर २ विकेट हात पारिन । रिया शर्माले २.५ ओभरमा १३ रन दिएर २ विकेट लिँदा सीता राना मगर र कविता कुँवरले समान एकएक विकेट हात पारेका थिए ।
मलेसियाका लागि एल्सा हन्टरले सर्वाधिक १० रन बनाउनु बाहेक अन्य ब्याटर नेपाली बलिङसामु निरिह देखिए । अहिले नेपालले जवाफी ब्याटिङ गर्दैछ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
