Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौं । नेपाली कांग्रेसका पूर्वसभापति शेरबहादुर देउवा पक्षको भेला आज पनि जारी छ। महाराजगञ्जस्थित स्मार्ट होटलमा अहिले बैठक बसिरहेको छ। बैठकमा नेताहरूले बोल्ने क्रम जारी छ।
हिजोबाट सुरु भएको बैठक आज सक्ने तयारी छ। गगन थापालाई निर्वाचन आयोगले कांग्रेसको आधिकारिता दिएपछिको विवाद कांग्रेसभित्र अझै साम्य भएको छैन।
पार्टीभित्रको विवाद यतिबेला सर्वोच्च अदालतमा विचाराधीन छ । आयोगले थापालाई आधिकारिता दिएपछि देउवा पक्षले अझै स्वीकारेको छैन।
विशेष महाधिवेशनको पक्षमा नरहेका १४ औँ महाधिवेशनबाट निर्वाचित केन्द्रीय समितिका कार्यवाहक सभापति पूर्णबहादुर खड्का र नेता डा. शेखर कोइराला समूहका नेताहरू बैठकमा सहभागी छन्। समानान्तर गतिविधि बढाएपछि संस्थापन पक्षले कारबाहीको चेतावनी दिएको छ। आजै अनुशासन आयोगको बैठक समेत बसिरहेको छ।
सर्वोच्च अदालत दर्ता गराएको रिटमा चैत २२ गते सुनुवाइ हुँदै छ। यो फैसलालाई मानेर अघि बढ्ने मनस्थितिमा देउवा पक्षका नेताहरू छन्। यो समूहले भोलि जिल्ला सभापतिहरूको भेला राखेको छ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
