Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । करिब ९ हजार बचत तथा ऋणको मुख्य कारोबार गर्ने सहकारी संस्थाहरू राष्ट्रिय सहकारी नियमन प्राधिकरणको दर्ता प्रक्रियामा सहभागी भएका छन् । फागुन ११ गते बेलुकासम्म ८ हजार ९०८ सहकारी दर्ता प्रक्रियामा आएका हुन् ।
प्राधिकरणको तथ्यांक अनुसार हालसम्म ६६८ सहकारीले सञ्चालन इजाजत प्राप्त गरेका छन् । भेरिफाइड भएका तर इजाजतपत्र पाउन बाँकी सहकारीको सङ्ख्या ४४९ रहेको छ । यससँगै तीन हजार ९४३ सहकारी तथ्यांक प्रविष्टिको प्रक्रियामा छन् भने तथ्यांक प्रविष्टि सम्पन्न गरेर भेरिफाइड हुन बाँकी सहकारीको सङ्ख्या तीन हजार ८४८ रहेको प्राधिकरणले जनाएको छ ।
प्राधिकरणले सहकारी संस्थाहरूको दर्ता अभिलेखीकरण गर्ने समयावधि चैत्र १७ गतेसम्मका लागि थप गरेको छ । सहकारी संस्थाहरूको दर्ता अभिलेखीकरणका लागि यो अन्तिम म्याद थप रहेको प्राधिकरणका अध्यक्ष डा. खगराज शर्माले जानकारी दिए ।
आगामी चैत्र १७ गतेसम्म ५ हजार रुपैयाँ शुल्क बुझाई प्राधिकरणमा दर्ता अभिलेखीकरण गर्न सकिने उनले बताए । प्राधिकरणले गत मंसिर १० गते बचत तथा ऋणको मुख्य कारोबार गर्ने सहकारी संस्थाहरूको दर्ता अभिलेखीकरण सुरु गरेको थियो ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
