Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । अष्ट्रेलिया विरुद्धको एशेज शृंखलामा इङ्ग्ल्याण्ड फेरि एकपटक समस्यामा परेको देखिएको छ । मेलबर्न क्रिकेट मैदानमा भएको चौथो टेस्टको पहिलो दिन इङ्ग्ल्याण्ड केवल ११० रनमा अलआउट भएको छ ।
खेलको पहिलो दिन कुल २० विकेट झरेका छन् । यो ११६ वर्षमा एशेज शृङ्खलाको पहिलो दिन गुमेको सबैभन्दा धेरै विकेट संख्या हो । यसअघि ११६ वर्षअघि सोही शृङ्खलाको पर्थ टेस्टको पहिलो दिन १९ विकेट झरेका थिए ।
अस्ट्रेलियाका कप्तान स्टिभ स्मिथले खेलअघि भविष्यवाणी गरेका थिए – पिचमा रहेको १० मिलिमिटर लामो घाँसले ब्याट्सम्यानहरूका लागि चुनौती खडा गर्नेछ र उनीहरू अत्यन्तै सतर्क रहनुपर्नेछ । स्मिथको भनाइ सही साबित भयो ।
पहिले ब्याटिङ गरेको अष्ट्रेलिया ४५.२ ओभरमा १५२ रनमै अलआउट भयो । त्यसपछि ब्याटिङ गर्न आएको इङ्ग्ल्याण्ड पनि पिचमा टिक्न असफल भयो ।
इंग्ल्याण्डको टोली २९.५ ओभरमा ११० रनमा अलआउट भयो । टेस्ट इतिहासमा यो तेस्रो पटक हो जब कुनै खेलको तेस्रो इनिङ पहिलो दिनमै सुरु भएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
