Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । विभागीय टिम सशस्त्र प्रहरी बलको एपीएफ फुटबल क्लबले एन्फा यू–१६ युथ लिगमा प्लानिङ ब्वाइज युनाइटेडविरुद्ध ३–२ को संघर्षपूर्ण जित निकालेको छ ।
मंगलबार सातदोबाटोस्थित एन्फा मुख्यालयमा एपीएफलाई जित दिलाउन समर गोसाईले दुई गोल गरे । असिम खड्काले एक गोल गरे । जवाफमा प्लानिङका प्रशान्त तामाङ र ओम खड्काले समान एक गोल फर्काए ।
खेलको नवौँ मिनेटमा समरले एपीएफलाई अग्रता दिलाए । २५औँ मिनेटमा समरले अग्रतालाई दोब्बर बनाए । २६औँ मिनेटमा असिमले गोल गर्दै अग्रतालाई ३–० को स्थितिमा पुर्याए ।
३१औँ मिनेटमा प्लानिङका प्रशान्तले टोलीको निम्ति एक गोल फर्काए । ९०औँ मिनेटमा ओमले गोल गर्दै प्लानिङलाई ३–२ को स्थितिमा फर्काएका थिए ।
जितसँगै एपीएफले ३८ अंक जोडेको छ । एपीएफले २४ खेल खेल्दा ११ जित, पाँच बराबरी र आठ हारसहित यो नतिजा आत्मसाथ गरेको हो । पराजित प्लानिङ भने ११ अंकमा सीमित छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
