Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । स्वास्थ्य तथा जनसंख्या मन्त्रालयले मातहतका केही कर्मचारीको जिम्मेवारी हेरफेर गरेको छ । स्वास्थ्य तथा जनसंख्या मन्त्री प्रदिप पौडेलले मन्त्रीस्तरीय निर्णय गर्दै केही कर्मचारीको जिम्मेवारी हेरफेर गरेका हुन् ।
स्वास्थ्य सेवा विभाग इपिडिमियोलोजी तथा रोग नियन्त्रण महाशाखाको निर्देशकमा डा.चन्द्रभाल झालाई ल्याइएको छ । डा.झा नारायणी अस्पतालमा थिए ।
महाशाखाका निर्देशक रहेका डा.यदुचन्द्र घिमिरेलाई किटजन्य रोग अनुसन्धान केन्द्र प्रमुखको जिम्मेवारी दिइएको छ ।
गजेन्द्रनारायण सिंह स्वास्थ्य विज्ञान प्रतिष्ठानकी प्रमुख बाल रोग विशेषज्ञ डा.एन्जिला घिमिरेलाई परोपकार प्रसूति तथा स्त्रीरोग अस्पतालमा सरुवा गरिएको छ ।
पोखरा स्वास्थ्य विज्ञान प्रतिष्ठान पश्चिमाञ्चल अस्पतालमा कार्यरत डा.किरणमणि पौडेललाई गजेन्द्रनारायण सिंह प्रतिष्ठानको जिम्मेवारी दिइएको छ ।
११औं तहमा बढुवा भएका ६ जना चिकित्सकलाई पनि जिम्मेवारी दिइएको छ । प्रमुख बालरोग विशेषज्ञ डा.रामचन्द्र बास्तोलालाई पोखरा स्वास्थ्य विज्ञान प्रतिष्ठान पठाइएको छ । कार्डियोलोजिस्ट डा.मनोज कोइरालालाई कोशी अस्पतालमा खटाइएको छ ।
मानसिक रोग विशेषज्ञ डा.अजिता पौडेललाई कोशी, प्रमुख अस्पताल नर्सिङ प्रशासक शकुन्तला प्रजापतीलाई नारायणी, प्याथालोजिस्ट निलम वैद्यलाई भरतपुर र डेन्टल सर्जन बन्दना खनाललाई कोशी अस्पतालमा पठाइएको मन्त्रालयले जाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
