Apr 29 2025 | २०८२, वैशाख १६ गते
Apr 29 2025 | २०८२, वैशाख १६ गते
काठमाडौं । नेकपा माओवादी केन्द्रको विद्यार्थी संगठन अखिल क्रान्तिकारीको राष्ट्रिय सम्मेलन पुन: स्थगित भएको छ ।
अध्यक्ष पुष्पकमल दाहाल प्रचण्ड निवास खुमलटारमा आज बिहान बसेको पदाधिकारी बैठक २३ र २४ का लागि तय भएको सम्मेलन अनिश्चितकालका लागि स्थगित गर्ने निर्णय गरेको हो ।
यसअघि असोज १०–१५ सम्म गर्ने भन्दै सम्मेलनको मिति तय भएको थियो । तर, उमेर हद विवादले मंसिर २३ र २४ गते तोकिए पनि आज बसेको बैठकले अनिश्चित कालका लागि स्थगित गरिदिएको छ ।
निर्वाचन आयोगले सम्मेलनका प्रतिनिधिको छानविन गरिसकेपछि मात्रै अर्को मिति तोक्ने निर्णय भएको बताइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
