Apr 28 2025 | २०८२, वैशाख १५ गते
Apr 28 2025 | २०८२, वैशाख १५ गते
काठमाडौं । धनगढीको नोभा अस्पतालमा मृत्यु भएका नसिव चौधरीका परिवार र अस्पताल प्रशासनबीच पीडित परिवारलाई साढे १३ लाख क्षतिपूर्ति दिने सहमति भएको छ । नोभा अस्पताल प्रशासन र पीडितका आफन्तबीच शनिबार बेलुका यस्तो सहमति भएपछि आफन्तले शव बुझेका हुन् ।
प्रहरीसँगको झडपमा घाइते भएका आफन्तहरूको उपचार अस्पतालले गर्ने सहमति पनि भएको छ । यस्तै पोष्टमार्टम गरेर घरसम्म शव पुर्याउन पनि अस्पतालले सहयोग गर्ने सहमति भएको मृतकका एक आफन्तले जानकारी दिए ।
सहमतिपछि नोभा अस्पतालको वार्डमा दुई दिनदेखि राखिएको नसिवको शव पोष्टमार्टमका लागि सेती प्रादेशीक अस्पताल लगिएको उनले बताए । अस्पताल तोडफोड हुन थालेपछि प्रहरीले ६ राउण्ड अश्रुग्यास प्रहार गर्दा पीडित पक्षका ३ जना घाइते भएका थिए।
साउन ८ गते धनगढीको नोभा अस्पतालमा भर्ना भएका बेलौरीका १७ वर्षीय नसिव चौधरीको शुक्रबार अपरान्ह मृत्यु भएको थियो । उनी जन्डिसका बिरामी थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
