काठमाडौं । ललितपुर महानगरपालिका–७ ग्वार्को स्थित सनलाइट गेस्ट हाउसमा अचेत भेटिएकी एक युवतीको मृत्यु भएको छ । ती युवती गएराति गेस्ट हाउसमा आएकी थिइन् ।
बिहानीपख बेहोस भएपछि गेस्ट हाउस सञ्चालकले बिएण्डबी अस्पतालमा लगेका थिए । उपचारको क्रममा शुक्रवार बिहान ७ बजे उनको मृत्यु भएको हो । युवतीसँग आएको भनिएका सातदोबाटो बस्ने २६ वर्षीय सन्दीप विकले पनि आफूलाई सास फेर्न कठिन भएको बताएपछि प्रहरीको निगरानीमा उनको उपचार भइरहेको छ ।