Apr 29 2025 | २०८२, वैशाख १६ गते
Apr 29 2025 | २०८२, वैशाख १६ गते
काठमाडौं । ललितपुरको लगनखेलस्थित एक फार्मेसीबाट बिना बिलको २३० थान औषधी बरामद गरेको छ । श्रीराम फार्मेसीमा २३० थान बिल नभएको औषधी बरामद गरेको प्रहरीले जनाएको छ ।
औषधी व्यवस्था विभाग बबरमहलबाट खटिएको टोलीले अनुगमन गर्दा लक्षमण महर्जनले सञ्चालन गर्दै आएको फार्मेसीबाट २३० थान बिल नभएको औषधी भेटिएको थियो । फार्मेसी सञ्चालक महर्जनलाई औषधी विभागको आग्रहमा नियन्त्रणमा लिइएको छ ।
जिल्ला प्रहरी परिसर ललितपुरका एसपी नरेश सुवेदीका अनुसार फार्मेसीबाट बिल बिनाको औषधी भेटिएपछि फार्मेसी सिल गरेको छ । सञ्चालकविरुद्ध विभागले कानुनी कार्वाही अगाडी बढाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
