Apr 11 2025 | २०८१, चैत २९ गते
Apr 11 2025 | २०८१, चैत २९ गते
काठमाडौं। कैलालीमा बाढीपीडितका नाममा १८ वर्षदेखि बस्दै आएका करिब पाँच सय घरटहरा भत्काइएको छ । भजनी नगरपालिका–१ र ९ मा बाढीपीडितका नाममा १८ वर्षदेखि बस्दै आएका करिब पाँच सय घरटहरा सोमबार भत्काइएको हो ।
डिभिजन वन कार्यालय पहलमानपुरले नेपाल प्रहरी र सशस्त्र प्रहरीको सहयोगमा घरटहरा भत्काएको हो । वर्षातका बेला घर डुबान परे भनेर केही दिनलाई बस्न आएकाहरूले जङ्गल क्षेत्र खाली नगरेकाले हटाइएको जिल्ला प्रहरी कार्यालय कैलालीका प्रमुख, प्रहरी उपरीक्षक पदमबहादुर विष्टले बताए ।
डिभिजन वन कार्यालयका प्रमुख रामविचारी चौधरीको नेतृत्वमा घरटहरा भत्काउन थालिएको हो। भजनी बजार छेउमा रहेको जङ्गलमा सो नगरपालिकाको वडा नम्बर ३, ५, ७ र ९ का बासिन्दाहरू बाढीपीडित भन्दै बस्न आएका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
