Apr 19 2025 | २०८२, वैशाख ६ गते
Apr 19 2025 | २०८२, वैशाख ६ गते
काठमाडौं । जनमत पार्टीले मधेश प्रदेशको मुख्यमन्त्रीमा सतिशकुमार सिंहलाई अघि सार्ने निर्णय गरेको छ । मधेश प्रदेशमा सिंहलाई मुख्यमन्त्री बनाउने निर्णय भएको जनमतका प्रवक्ता डा.शरदसिंह यादवले बताए ।
सिंह सप्तरी २ ‘क’बाट प्रदेश सभा सदस्य निर्वाचित भएका हुन् ।
मधेशमा जनमतको नेतृत्वमा सरकार गठन गर्ने सत्तारुढ दलबीच सहमति भइसकेको छ । नेकपा (एमाले), नेकपा (माओवादी केन्द्र) र नेकपा (एकीकृत समाजवादी)ले सघाउने भएका छन् ।
मधेश प्रदेशका संसदीय दलका नेता महेश यादव भए पनि सिंहलाई मुख्यमन्त्री बनाउने जनमतले निर्णय गरेको हो । जनमतको बैठकमा यादवभन्दा पनि राजपुत समुदायबाट मुख्यमन्त्री बनाउनुपर्ने आवाज उठेको थियो । त्यसैले संसदीय दलका नेतालाई छोडेर सिंहलाई मुख्यमन्त्री बनाउन लागिएको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
