Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । ज्यालादारी वा करारमा कर्मचारी नियुक्त गर्न नपाइने गरी प्रतिनिधिसभामा संघीय मामिला तथा सामान्य प्रशासन मन्त्रालयले विधेयक दर्ता गरेको छ । मन्त्रालयले आज दर्ता गरेको विधेयकको दफा २० मा ज्यालादारी वा करारमा नियुक्ति गर्न नपाइने भनिएको छ । ‘दफा १० को उपदफा (१४) बमोजिमबाहेक निजामती कर्मचारीले गर्नुपर्ने कामका लागि कुनै पनि व्यक्तिलाई ज्यालादारी वा करारमा नियुक्ति गर्न पाइने छैन,’ विधेयकमा भनिएको छ ।
दफा १० को उपदफा १४ मा पाँचौँ श्रेणीका अन्य पदबाट सम्पादन हुने काम सेवा करारबाट गराउने भनिएको छ । ‘सरकारले नेपाल राजपत्रमा सूचना प्रकाशन गरी तोकेका पदबाहेक राजपत्र अनङ्कित पाँचौँ श्रेणीको रिक्त पदमा स्थायी पदपूर्ति गरिने छैन र यसरी मुख्य कार्य गर्ने भनी तोकेका पदबाहेकका राजपत्र अनङ्कित पाँचौँ श्रेणीका अन्य पदबाट सम्पादन हुने काम सेवा करारबाट गराउनुपर्नेछ,’ विधेयकमा भनिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
