Apr 11 2025 | २०८१, चैत २९ गते
Apr 11 2025 | २०८१, चैत २९ गते
काठमाडौं । पाल्पाको ढुंगाखानी जाँदै गरेको टिपर दुर्घटना हुँदा चालकसहित दुई जनाको मृत्यु भएको छ । जिल्ला प्रहरी कार्यालय पाल्पाका अनुसार पाल्पाको माथागढी गाउँपालिका ५ आर्थोकघाटमा लु २ ख ५६१ नं. को टिपर दुर्घटनामा परी सोही टिपरका चालक र सहचालकको मृत्यु भएको हो ।
दुर्घटनामा परी टिपर चालक रूपन्देहीको तिलोत्तमा नगरपालिका-१६ वस्ने २४ वर्षीय प्रदिप कुमाल र सहचालक १८ वर्षीय मनिष परियारको मृत्यु भएको हो ।
जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक सुगन्ध श्रेष्ठले टिपर दुर्घटनामा परी चालक र सहचालक दुबै जनाको घटनास्थलमै मृत्यु भएको जानकारी दिए ।
उक्त घटनाबारे थप अनुसन्धान भइरहेको श्रेष्ठले बताए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
