Apr 10 2025 | २०८१, चैत २८ गते
Apr 10 2025 | २०८१, चैत २८ गते
काठमाडौं । नेकपा एमालेका अध्यक्ष केपी शर्मा ओलीले जिल्ला अधिवेशनमा कुटाकुट भएपछि धादिङका पार्टी नेताहरूलाई काठमाडौं झिकाएका छन् । प्रदेश अध्यक्ष कैलाश ढुङ्गेल र जिल्ला अध्यक्ष भूमि त्रिपाठी समूहको लडाइको कारण लफडा भएको हो ।
नेताहरू काठमाडौं आएपछि भोलि बिहान ८ बजे सुरु हुनेगरी जिल्ला अधिवेशन स्थगित भएको सूचना टाँसिएको छ । धादिङ जिल्ला अध्यक्ष भूमि त्रिपाठीले अब पार्टी कार्यालयमा छलफल हुन लागेको बताए ।
प्रदेश अध्यक्ष कैलाश ढुङ्गेलले भने आइतबार बिहानै जिल्ला अधिवेशन स्थगित भएको सूचना जारी गरेका थिए । तर अध्यक्ष भूमि त्रिपाठीले तत्कालै वक्तव्य जारी गरी जिल्ला अधिवेशन स्थगित नभएको जानकारी दिएका थिए ।
जिल्ला अधिवेशन स्थगित गरेर नेताहरू काठमाडौं पुगेपछि प्रतिनिधिहरू अलपत्र छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
