Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । राष्ट्रपति रामचन्द्र पौडेलले जानकी मन्दिरमा श्रीमतीको साथमा विशेष पूजा अर्चना गरेका छन् । जनकपुरधाम उपमहानगरपालिकाको तर्फबाट गरिन लागेको नागरिक अभिनन्दनमा सहभागी हुन जनकपुरधाम आईपुगेका पौडेलले जानकी मन्दिरमा पूजा गरेका हुन् ।
मन्दिरमा उनले अखण्ड दीप प्रज्वल गर्नुको साथै सीता माताको माइती घर दर्शन, अखण्ड किर्तन दर्शन र महन्थको कक्षमा प्रसाद ग्रहण तथा छोटो विश्राम गरेका जनकपुरधाम उपमहानगरपालिकाका मेयर मनोजकुमार साहले बताए ।
उनलाई जनकपुर विमान स्थलमा मधेस प्रदेश प्रमुख हरिशंकर मिश्र, मुख्यमन्त्री सरोज यादव, पूर्वउपप्रधान तथा गृहमन्त्री विमलेन्द्र निधि, संघीय सांसद, नगरप्रमुख तथा सुरक्षानिकायका प्रमुखहरुले स्वागत गरेका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
