Apr 08 2025 | २०८१, चैत २६ गते
Apr 08 2025 | २०८१, चैत २६ गते
काठमाडौँ । राष्ट्रपति रामचन्द्र पौडेलले आह्वान गरेको सर्वदलीय बैठक बसिरहेको छ । राष्ट्रपति निवास शीतल निवासमा जारी बैठकमा प्रमुख प्रतिपक्ष दल नेकपा एमाले भने अनुपस्थित छ । राष्ट्रपतिले संविधानमा नभएको सक्रियता देखाउन खोजेको भन्दै एमालेले बैठक बहिष्कार गरेको हो ।
प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवा, रास्वपा सभापति रवि लामिछाने लगायत उक्त बैठकमा सहभागी छन् । संसद् सुचारु गर्नेसहित समसामयिक राजनीतिक सन्दर्भमा सो बैठकमा छलफल हुने भएको छ ।
गत साउन २ गते बरामद भएको ६० किलो सुन तस्करी प्रकरणको विषयमा छानबिन गर्न एमालेले उच्चस्तरीय समिति गठन गर्नुपर्ने अडान राख्दै सदनमा लगातार अवरोध गर्दै आएको थियो ।
हिजो राष्ट्रिय मान्यताप्राप्त दलहरूको संयुक्त बैठकमा सुन तस्करीमाथि छानबिनका लागि उच्चस्तरीय छानबिन समितिको कार्यादेश बनाउन कार्यदल गठित भइसकेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
