Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । दाङमा बिहीबार घर जान भन्दै राति १२ बजे बसपार्क पुगेकी ७३ वर्षीया वृद्धालाई बसभित्रै बलात्कार गरेको आरोपमा प्रहरीले २ जनालाई पक्राउ गरेको छ । बसपार्कमा रोकिराखेको ना ४ ख ७८४८ नम्बरको बसभित्र लगेर उनीहरुले बलात्कार गरेको पाइएको छ ।
पक्राउ पर्नेहरुमा तुलसीपुर उपमहानगरपालिकाका ३० वर्षीय पुष्कर रोका र सल्यान कुमाख गाउँपालिका– ७ का २० बर्षीय रेशम बिक रहेका इलाका प्रहरी कार्यालय तुलसीपुरका डीएसपी पुष्पराज मल्लले जानकारी दिए । उपचारका लागि भन्दै प्युठानबाट दाङ पुगेकी ती वृद्धालाई उनीहरुले बलात्कार गरेका प्रहरीले जनाएको छ ।
सहयोग गर्ने बहाना बनाउँदै उनीहरुले बसभित्र वृद्धालाई लगेर बलात्कार गरेको पाइएको डीएसपी मल्लले बताए । आफूमाथि बलात्कार हुँदा वृद्धा चिच्याउन थालेपछि स्थानीयले थाहा पाएर उद्धार गरेका थिए । लगत्तै प्रहरीको टोली पनि घटनास्थल पुगेर २ जनालाई पक्राउ गरेको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
