
Apr 06 2025 | २०८१, चैत २४ गते
काठमाडौँ । इन्डियन आयल कर्पोरेसन (आईओसी)ले पेट्रोल र ग्यासको भाउ घटाएर नयाँ मूल्यसूची पठाएको छ । आईओसीले नेपाल आयल निगमलाई हरेक १५ दिनमा इन्धनको नयाँ मूल्यसूची पठाउने गरेको छ । अन्तर्राष्ट्रिय बजारमा हुने घटबढका आधारमा भाउ समायोजन गर्दै आईओसीले निगमलाई नयाँ मूल्यसूची पठाउने गरेको छ ।
नयाँ मूल्यसूचीअनुसार प्रतिलिटर पेट्रोलमा ७ पैसा र प्रतिसिलिन्डर एलपीजी ग्यास १६० रुपैयाँले घटेर आएको छ ।
आईओसीले पठाएको नयाँमूल्यसूचीअनुसार डिजेटल, मट्टीतेल र हवाई इन्धनको भाउ भने बढेर आएको छ। निगमका अनुसार प्रतिलिटर डिजेलमा २.१६ रुपैयाँ, मट्टीतेलमा ५ पैसा र हवाई इन्धनमा ५७ पैसा मूल्य बढेर आएको छ ।
हाल कायम मूल्यलाई यथावतै राखेमा निगमलाई पाक्षिक (१५ दिन) १ अर्ब ६० करोड रुपैयाँ नाफा हुने अनुमान गरिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij