
Apr 06 2025 | २०८१, चैत २४ गते
काठमाडौँ । प्रहरीले लागुऔषध ओनेरेक्ससहित बाराबाट दुई जनालाई पक्राउ गरेको छ । पक्राउ पर्नेमा मकवानपुर हेटौंडा उपमहानगरपालिका–१३ बस्ने सौराज लामा र विष्णु बलामी रहेका छन् ।
विश्रामपुर गाउँपालिका–४ बलिरामपुर टोलमा प्रहरी चौकी मुसहर्वाबाट खटिएको प्रहरी टोलीले आवतजावत गर्ने सवारीसाधन चेकजाँच गर्ने क्रममा उनीहरुलाई लागुऔषधसहित पक्राउ गरेको हो ।
भारतबाट नेपालतर्फ आएको ना १५ प ८८५५ नम्बरको मोटरसाइकलको सिटमुनि लुकाइराखेको ३२ बोतल लागुऔषध ओनेरेक्स प्रहरीले बरामद गरेको थियो । उनीहरुलाई अदालतबाट ६ दिनको म्याद थप गराइ लागुऔषध मुद्दामा कारबाही प्रक्रिया अघि बढाएको जनाइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij