Apr 19 2025 | २०८२, वैशाख ६ गते
Apr 19 2025 | २०८२, वैशाख ६ गते
काठमाडौँ । प्युठानको नौबहिनी गाउँपालिका– ६ खहरेखोलामा आईतबार जीप दुर्घटनामा एकैघरका दुई नावालिकासहित ३ जनाको मृत्यु भएको छ ।
लु १ ज १५४५ नं.को जीप दुर्घटना हुँदा नौबहिनी ५ डामृ निवासी जीप चालक २५ वर्षीय लुकेश थापा सहित रेमसरा बुढा मगरको छोरी चार वर्षीया करुणा बुढा र २५ दिनका नावालिका चेतना बुढा मगरको मृत्यु भएको जिल्ला प्रहरी कार्यालय प्युठानका प्रमुख प्रहरी नायब उपरीक्षक सत्यनारायण थापाले जानकारी दिनुभयो ।
प्रहरी नायब उपरीक्षक थापाका अनुसार घाइतेको उपचारको क्रममा जिल्ला अस्पताल बिजुवारमा मृत्यु भएको हो । दुर्घटनाका घाईते भएका १५ जनाको बिजुवार अस्पतालमा उपचार भईरहेको प्रहरीले जनाएको छ । अनियन्त्रित हुँदा जीप दुर्घटना भएको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
